İran Nüvə Enerjisi Təşkilatının rəhbəri Əli Əkbər Salehi bildirib ki, yaxın günlərdə Buşəhr nüvə stansiyasının reaktoruna uran yanacağı yerləşdiriləcək. "Mehr" agentliyinin məlumatına əsasən, Salehi bildirib ki, reaktor yuyulub- təmizlənib və yarıya qədər su ilə doldurulub. Onun sözlərinə görə, müəyyən sınaqlar artıq həyata keçirilib və yaxın günlərdə uran yanacağı reaktorda yerləşdiriləcək.
Buşəhr stansiyasının tikilişi üzrə İran və Rusiya 1995-ci ildə müqavilə imzalayıblar. Bu stansiya ildə 1000 mvat elektrik enerjisi istehsal edəcək.