İranın Kirman əyalətinin Fəhroc şəhərində Rixter cədvəli üzrə 4,1 bal gücündə zəlzələ baş verib. Ötən həftə 6,5 bal gücündə baş verən zəlzələdən sonra bu regionda 100-dən çox kiçik zəlzələlər qeydə alınınıb. Bu barədə MEHR xəbər agentliyi məlumat verir.
Baş vermiş zəlzələ nəticəsində ölən, yaralanan və dəymiş ziyan haqqında məlumat yoxdur.
Dekabrın 20-də İranın Kirman əyalətinin Fəhroc şəhərində Rixter cədvəli üzrə 6,5 bal gücündə zəlzələ baş verib. Hadisə nəticəsində 7 nəfər ölüb, yüzlərlə insan yaralanıb. Zəlzələ Kirman əyalətinin 2950-dən çox kəndində evlərin ziyan görməsinə səbəb olub.