Azərbaycan, Bakı, 6 aprel / Trend müxbir A.Tağıyeva/
İraqın sabiq vitse-prezidenti Tariq əl-Haşimi yaxın günlərdə İraqa qayıdacağı barədə açıqlama verib. Trend-in məlumatına görə, bu barədə "Əl-Ərəbiyyə" televiziyası məlumat verib.
"Ölkə hüdudlarından kənarda qalmağım düşmənlər üçün sevindirici haldır. Buna görə də, yaxın günlərdə İraqa qayıdacağam", - əl-Haşimi bildirib.
Keçən ilin dekabr ayında İraqın sabiq vitse-prezidenti Tariq əl-Haşiminin həbsinə order verilib. Haşimi "terror fəaliyyətində" əli olmaqda şübhəli bilinir.
Haşimi uzun müddət İraqın şimalındakı kürd administrasiyasında sığınacaq tapsa da, bir həftə əvvəl Səudiyyə Ərəbistanına gedib.