Azərbaycan, Bakı, 25 oktyabr /Trend/
Yerevanın mərkəzində Xancyan küçəsindəki tikintisi başa çatmamış binanın uçması nəticəsində 11 nəfər xəsarət alıb. Bu barədə jurnalistlərə Ermənistan Xilasetmə Xidmətinin rəis müavini Nikolay Qriqoryan məlumat verib. Trend-in məlumatına görə, xəbəri ARKA yayıb.
Binanın uçması barədə siqnal FHN-nə yerli vaxtla saat 13:10-da daxil olub. Hadisə yerinə FHN Böhran İdarəetmə Mərkəzinin xüsusi çevik reaksiya dəstəsinin növbətçi qrupu gəlib.
"Xəsarət alanlardan səkkizi "Qriqor Lusavoriç" Tibb Mərkəzinə aparılıb, onlardan dördünün vəziyyəti ağırdır", - Qriqoryan bildirib.
O, uçqunun tikilməkdə olan binanın üçüncü mərtəbəsində baş verdiyini, hadisənin səbəblərinin araşdırıldığını qeyd edib.