Azərbaycan, Bakı, 12 iyun /Trend/
İstanbulun Taksim meydanı nümayişləri təşkil edən marginal qruplardan təmizlənəcək. Trend-in Sabah qəzetinə istinadən verdiyi məlumata görə, bu barədə İstanbul valisi Hüseyn Avni Mutlu çərşənbə axşamı deyib.
Bundan öncə İstanbul valisi bildirib ki,Taksim meydanında etiraz edənlər və polis arasında toqquşmalar nəticəsində 2 nəfər yaralanıb.
Mutlunun sözlərinə görə, etiraz edənlər tərəfindən fişənglərin və tüstü bombalarının istifadəsi nəticəsində bir polis və bir vətəndaş yaralanıb.
Hal-hazırda etiraz aksiyası davam edir.
Artıq on gündən çoxdur ki, Türkiyənin müxtəlif şəhərlərində İstanbulun Taksim meydanındakı Gezi parkının yenidən qurmasına qarşı etiraz aksiyaları davam edir.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
