Azərbaycan, Bakı, 8 noyabr /Trend, müxbir E.Tariverdiyeva/
İran ölkədə yeni atom elektrik stansiyası (AES) tikməyi planlaşdırır. Trend-in "Fars News" informasiya agentliyinə istinadən verdiyi məlumata görə, bu barədə İranın Atom Enerjisi Təşkilatının rəhbəri Əli Əkbər Salehi bəyan edib.
Yeni AES-in işə salınması ilə 1500 nüvə mütəxəssisi üçün iş yeri açılacağını deyən Salehi stansiyanın tikintisi üçün xeyli sayda insan resurslarının cəlb edilməsinin vacibliyini vurğulayıb.
2013-cü ilin sentyabrında İranın energetika naziri Həmid Çitçiyan televiziyaya müsahibələrindən birində İranın ölkədə 360 meqavat gücündə yeni atom elektrik stansiyasını tikməyi planlaşdırdığını demişdi.