Azərbaycan, Bakı, 20 yanvar /Trend, müxbir E.Tariverdiyeva /
Bazar ertəsi İran uranın 20 faizədək zənginləşdirilməsini dayandırır. Bunu İranın Atom Enerjisi Təşkilatının rəhbəri Əli Əkbər Salehi bildirib. Trend-in məlumatına görə, bu barədə IRNA agentliyi xəbər verib.
Salehi bəyan edib: "İran vacib addım atır və bazar ertəsi saat 12.00-da uranın 20 faizədək zənginləşdirilməsini dayandırır".
Bir müddət əvvəl İran XİN-in rəhbəri ölkənin nüvə proqramı ilə bağlı Aİ ilə razılaşmaların yerinə yetirilməsinə başladığını elan edib.