Əhməd Davudoğlu: Türkiyə öz sülhməramlılarını Əfqanıstanda saxlayacaq
Azərbaycan, Bakı, 24 dekabr /Trend, müxbir Rufiz Hafizoğlu/
Türkiyə öz sülhməramlılarını Əfqanıstanda saxlayacaq. Bunu ölkənin Baş naziri Əhməd Davudoğlu bəyan edib. Bu barədə Trend çərşənbə günü "Anadolu" agentliyinə istinadən xəbər verir.
Baş nazirin sözlərinə görə, Türkiyə başqa ölkələr bunu etsələr belə, öz sülhməramlı kontingentini Əfqanıstandan çıxarmayacaq. Çünki Ankaranın Əfqanıstanda yeni öhdəlikləri var.
Bu zaman Davudoğlu hansı yeni öhdəliklərdən söhbət getdiyini dəqiqləşdirməyib.
Baş nazir əlavə edib ki, Türkiyə və Əfqanıstanı tarixi bağlar birləşdirir.
NATO ISAF-da (Təhlükəsizliyə Yardım üzrə Beynəlxalq Qüvvələr) 457 türk hərbçi xidmət edir.
