Azərbaycan, Bakı, 13 yanvar /Trend/
Bolqarıstanda terrorçu Kuaşi qardaşları ilə əlaqəsi olmaqda şübhəli bilinən fransız saxlanılıb.
Trend-in TASS agentliyinə istinadən verdiyi məlumata əsasən, Fransa vətəndaşı Friz-Joli Joaşi yanvarın 1-də həbs olunub. O, Suriyaya gedərək hökumət əleyhinə vuruşan qüvvələrə qoşulmaq niyyətində olub.
Fransa onun həbsinə beynəlxalq order vermişdi. Qeyd edək ki, Kuaşi qardaşları yanvarın 7-də Parisdə "Charlie Hebdo" nəşrinin redaksiyasına hücum edərək 12 nəfəri qətlə yetirmişdi.