Bakı. Trend:
Əfqanıstanın şimalında 6,2 bal gücündə zəlzələ baş verib. Bu barədə Trend RİA Novosti agentliyinə istinadən xəbər verir.
Yeraltı təkanların episentri İşkaşim şəhərindən 33 km cənub-qərbdə yerləşib. Təbii fəlakətin ocağı 200 km dərinlikdə olub.
Təkanların Pakistan və Hindistanda da hiss edildiyi qeyd olunur.
Xəsarət alanlar və dağıntılar haqda məlumat verilməyib.