Bakı. Trend:
Sankt-Peterburqda baş verən partlayış barədə Rusiya Prezidenti Vladimir Putinə məlumat verilib.
Trend-in məlumatına görə, bunu Rusiya prezidentinin mətbuat katibi Dmitri Peskov deyib.
Onun sözlərinə görə, hazırda V.Putin Sankt-Peterburqdadır.
Qeyd edək ki, V.Putin bu gün Sankt-Peterburqda media-forumda iştirak edib. Daha sonra onun belaruslu həmkarı Aleksandr Lukaşenko ilə görüşü planlaşdırılıb.
Sankt-Peterburq şəhərində metronun "Sennaya Ploşad" stansiyasında vaqonlardan birində baş vermiş partlayış nəticəsində ilkin məlumata görə, 10 nəfər ölüb.