Bakı. Trend:
Kataloniyanın Daxili İşlər Nazirliyi Kambrils şəhərindəki terror aktının Barselonadakı analoji hücumla əlaqəsini təsdiq edib.
Trend-in məlumatına görə, ötən gün axşam Barselonadan 120 km məsafədə yerləşən Kambrilsdə 5 terrorçu avtomobili piyadaların üstünə sürüb, lakin polis tərəfindən zərərsizləşdiriliblər. Hadisə nəticəsində 7 nəfər, o cümlədən bir polis xəsarət alıb.
Həmin gün Barselonada da analoji terakt baş verib, 13 nəfər ölüb, 119 nəfər yaralanıb.