Bakı. Trend:
Papua - Yeni Qvineyada ötən gün baş verən 7,5 bal gücündə zəlzələ nəticəsində 30-dan çox insan həlak olub. Daha əvvəl 10 nəfərin öldüyü bildirilirdi.
Trend-in məlumatına görə, 300-dən çox insan təbii fəlakət nəticəsidə yaralanıb, bir çox binaya zərər dəyib. Hela və Sautern-Haylends əyalətlərində elektrik təchizatı pozulub, zəlzələ həmçinin avia əlaqənin pozulmasına səbəb olub.
Qeyd edək ki, ötən gün yerli vaxtla saat 03:44-də Porqera şəhərindən 89 kilometr cənub-qərbdə 7,5 bal gücündə zəlzələ baş verib. Yeraltı təkanların ocağı 35 kilometr dərinlikdə yerləşib.