Bakı. Trend:
ABŞ Dövlət departamenti Kemerovo şəhərində ticarət mərkəzində baş verən yanğın nəticəsində ölənlərlə bağlı başsağlığı verib.
Bu barədə Trend TASS-a istinadən xəbər verir.
"Biz Kemerovoda faciəsi qurbanlarının ailələrinə dərin hüznlə başsağlığımızı veririk. Bu kədərli zamanda bizim fikirlərimiz Rusiya xalqı ilədir", deyə bəyanatda bildirilir.
Son məlumatlara əsasən, Kemerovoda "Zimnyaya vişnya" ticarət mərkəzində baş verən yanğın nəticəsində 64 nəfər həlak olub. Onların arasında çoxlu sayda uşaq var.