Bakı. Trend:
Qəzza zolağında İsrail hərbçiləri ilə fələstinlilər arasında baş verən toqquşmalar nəticəsində 4 nəfər ölüb, 600-dən çox insan xəsarət alıb.
Trend-in verdiyi xəbərə görə, bu barədə “Ria Novosti”yə Fələstinin Səhiyyə nazirliyinin nümayəndəsi Əşrəf əl-Kedra məlumat verib.
Onun sözlərinə görə, xəsarət alanlardan 124 nəfər döyüş güllələri ilə yaralanıb, onlardan 5-nin vəziyyəti ağır olaraq qiymətləndirilir.
Bundan əvvəl İsrail ordusu Qəzza zolağı ilə sərhəddə baş verən ixtişaşlarda 3 minə yaxın fələstinlinin iştirak etdiyi barədə məlumat yayıb. Ötən həftə isə etiraz aksiyalarına qatılanların sayı 10 min nəfərə çatıb.