Bakı. Tural Turan - Trend:
"Taliban" radikal hərəkatının nümayəndələri Rusiya tərəfindən Əfqanıstanla bağlı təşkil olunan danışıqlarda iştirak etməyə razılıq verib. Trend-in məlumatına görə, bunu hərəkat liderlərindən biri bildirib.
Məlumatda bildirilir ki, hərəkatın yüksək rütbəli 4 komandiri sentyabrda keçiriləcək danışıqlarda iştirak edə bilər.
Xatırladaq ki, Əfqanıstan XİN-i rəsmi Kabilin Moskvada Əfqanıstan barədə keçiriləcək görüşdə iştirak etməyəcəyi barədə məlumat yaymışdı.