Bakı. Trend:
Myanmada güclü yağışlar nəticəsində torpaq sürüşmələri baş verib.
Trend-in "İnterfaks"a istinadən verdiyi məlumata görə, bu barədə Rusiya Xarici İşlər Nazirliyinin Böhran Mərkəzindən bildiriblər.
Məlumatda deyilir: "Mon ştatında leysan yağışları nəticəsində baş verən torpaq sürüşməsində ölənlərin sayı 50 nəfərə çatıb, daha 80 nəfər isə itkin düşmüş sayılır".
Xatırladaq ki, avqustun 9-u Mon ştatının qəsəbələrindən biri torpaq altında qalıb və nəticədə bir neçə yaşayış evi uçub.