Bakı. Trend:
Keçmiş Anqolanın nəqliyyat naziri Auquştu Tomaş Luanda Ali Məhkəməsi tərəfindən vəzifə cinayətlərinə görə 14 il həbs cəzaya məhkum edilib.
Trend-in məlumatına görə, bu barədə "AFP" agentliyi bildirib.
Qeyd edək ki, 2008-ci ildən 2017-ci ilə qədər Prezident Joze Eduardo duş Santüşun rəhbərliyi dövründə nəqliyyat naziri vəzifəsini icra edən Auquştu Tomaş 2018-ci ilin payızında həbs edilib.
A.Tomaşa vəzifə səlahiyyətlərindən sui-istifadə, dövlət vəsaitlərinin mənimsənilməsi və korrupsiya olmaqla altı maddə üzrə ittiham irəli sürülüb.