Bakı. Trend:
Terroristlər pilotsuz uçan aparatlardan istifadə edərək Suriyanın Həma şəhərində yerləşən hərbi aerodroma hücum etməyə cəhd ediblər.
Trend-in məlumatına görə, bu barədə "Sham FM" radiostansiyası bildirib.
Məlumata əsasən, Suriya hökuməti ordusunun zenit-raket sistemləri Həma hərbi aerodromuna yaxınlaşmağa çalışan terrorçu dronlarının hücumunu dəf edib.
Suriya ordusu tərəfindən 19 dekabrda İdlib vilayətində başlatdığı əməliyyat fonunda terrorçuların pilotsuz təyyarələrin köməyi ilə hücumları daha tez-tez müşahidə olunur.