Bakı. Trend:
Özbəkistanda daha 3 nəfər COVİD-19 koronavirusuna yoluxub.
Trend-in məlumatına görə, bu barədə "RİA Novosti"yə ölkənin Səhiyyə Nazirliyinin mətbuat konfransından bildiriblər.
Bildirilir ki, daha əvvəl koronavirus aşkarlanan qadının oğlu və qızında da koronavirus aşkarlanıb. Bundan əlavə, martın 15-i İstanbuldan qayıdan Özbəkistan vətəndaşında da koronavirus aşkarlanıb.
Beləliklə, Özbəkistanda koronavirusa yoluxanların sayı 4 nəfərə çatıb.
Qeyd edək ki, Ümumdünya Səhiyyə Təşkilatı (ÜST) martın 11-də COVİD-19 koronavirusunu pandemiya elan edib.
Dünyanın 140-dan çox ölkəsində 153 mindən artıq insan koronavirusa yoluxub.
Onlardan əksəriyyəti sağalıb, lakin 5,7 min xəstə dünyasını dəyişib.