Bakı. Trend:
Yaponiyanın Naqasaki limanında dayanan "Kosta Atlantika" kruiz gəmisinin ekipajının üzvləri arasında ən az 33 koronavirus infeksiyasına yoluxma halı təsdiqləndi.
Trend-in məlumatına görə, bu barədə NHK telekanalı xəbər yayıb.
Yoluxanların hamısı bir neçə gün əvvəl eyni diaqnoz qoyulmuş gəmi heyətinin üzvü ilə təmasda olublar. Ümumilikdə həkimlər 57 nəfəri müayinədən keçiriblər. Qeyd olunur ki, xəstələr yaxşı havalandırılan otaqlarda təcrid olunub.
İtaliyada qeydiyyatdan keçmiş "Kosta Atlantika"nın 623 ekipaj üzvü var. Hazırda gəmidə sərnişin yoxdur.