Bakı. Trend:
Afroamerikalı Corc Floydun ölümü ilə bağlı ABŞ-ın İndianapolis şəhərində davam edən etiraz aksiyası zamanı bir nəfər həlak olub.
Trend-in məlumatına görə, həmin şəxs odlu silahdan açılan atəş nəticəsində ölüb. Daha 3 nəfər isə güllə yarası alıb.
Aksiya zamanı polis əməkdaşının yaralandığı deyilir. Həmin insidentlə bağlı araşdırma aparılır.
Bundan başqa, Denver şəhərində naməlun şəxs avtomobili polis maşınıın üstünə sürüb.
Hadisə nəticəsində 3 polis əməkdaşı və bir mülki şəxs xəsarət alıb. Hadisəni törədən şəxs bölgədən uzaqlaşıb.
Qeyd edək ki, Minneapolis şəhərində (Minnesota ştatı) afroamerikalı Corc Floydun ölümündən sonra ABŞ-ın müxtəlif yerlərində etiraz aksiyaları başlayıb.