Bakı. Trend:
Kanadada güclü külək səbəbindən 100 mindən çox insan elektrik enerjisiz qalıb.
Trend-in məlumatına görə, bu barədə CTV telekanalı xəbər verib.
Bildirilib ki, hadisə Kanadanın Ontario vilayətinin cənub hissəsində baş verib.
Milli Hava Bürosunun məlumatına görə, küləyin sürəti bəzi yerlərdə 100 km/saatı (28 m/s) keçib. Nəticədə bölgədə yüzlərlə ağac aşıb, elektrik xətləri zədələnib, bir çox evlərin damları uçub.
Xəsarət alanlar barədə məlumat verilməyib.