Bakı. Trend:
İranın cənub-şərqində yerləşən Kerman vilayətində 4,9 bal gücündə zəlzələ baş verib.
Trend-in məlumatına görə, bunu İranın Tehran Universiteti Geofizika İnstitutu Seysmologiya Mərkəzi bildirib.
Zəlzələ yerli vaxtla saat 19:34-də qeydə alınıb. Yeraltı təkanların episentri Faryab şəhərindən 30 kilometr məsafədə, ocağı isə 21 kilometr dərinlikdə yerləşib.
Ehtimal olunan dağıntı və tələfat haqda məlumat verilməyib.