Bakı. Orxan Nəbiyev - Trend:
ABŞ-ın "Apple" şirkəti 2 milyardıncı "iPhone" smartfonunu satıb.
Trend-in məlumatına görə, bu barədə "Asymco" analitika agentliyinin hesabatında deyilir.
Qeyd olunur ki, 2 milyardıncı smartfon bu həftə satılıb.
Hesabata əsasən, hazırda bütün dünyada 1 milyard nəfərdən çox "iPhone" istifadəçisi var. Ümumilikdə, smartfon istifadəçilərinin (3,8 milyard nəfər) 26 faizi "iPhone" istifadəçisidir.
Qeyd edək ki, "Apple" 1 milyardıncı "iPhone"u 2016-cı ilin iyulunda satmışdı.