Bakı. Trend:
Avropa İttifaqı ölkələri Rusiya təyyarələri üçün hava məkanlarını bağlamağı planlaşdırırlar.
Trend-in məlumatına görə, bunu Almaniyanın "ARD" telekanalının rəhbərinin müavini Mattias Deys mənbəyə istinadən bildirib.
"Aİ ölkələri Rusiya təyyarələri üçün hava məkanını bağlayacaq. Bunu mənə məlumatlı mənbə təsdiqləyib", - deyə M.Deys özünün "Twitter" səhifəsində yazıb.
Qeyd edək ki, daha əvvəl Rusiya təyyarələri üçün öz hava məkanlarını Litva, Latviya, Estoniya, Sloveniya, Rumıniya, Bolqarıstan, Polşa, Çexiya və Böyük Britaniya bağlayıb.