Bakı. Trend:
Böyük Britaniya hökuməti metallurgiya və mədən şirkəti "Evraz"ı ölkədəki aktivlərinin dondurulmasını nəzərdə tutan sanksiyalar siyahısına əlavə edib.
Trend xəbər verir ki, bu barədə Birləşmiş Krallığın Xarici İşlər Nazirliyindən bildirilib.
Bildirilir ki, "Evraz" Rusiya hökuməti üçün strateji əhəmiyyət kəsb edən sektorlarda fəaliyyətlə məşğuldur. "Evraz" bütün Rusiya qatar təkərlərinin 28 faizini və Rusiyada dəmiryol relslərinin 97 faizini istehsal edir. Bunlar çox əhəmiyyətli rəqəmlərdir", - deyə açıqlamada bildirilir.
Qeyd edilir ki, "Evraz"a qarşı sanksiyalar Böyük Britaniyanın fiziki və hüquqi şəxslərinin şirkətlə iş aparmasını qadağan edir.