Bakı. Trend:
ABŞ-ın Vaşinqton şəhərində insanların küçəni bağlamağa cəhd etməsindən sonra etiraz aksiyası zamanı 180-dən çox şəxs saxlanılıb.
Trend-in məlumatına görə, bu barədə Kapitol polisi öz "Twitter" səhifəsində məlumat verib
Qeyd edək ki, aksiya ABŞ Ali Məhkəməsinin abort hüquqlarına federal təminatları ləğv etməsinə etiraz olaraq keçirilib.
Artıq bir neçə gündür ki, Vaşinqtonda və ABŞ-ın bir çox digər böyük şəhərlərində etirazlar davam edir. Etirazçıların böyük əksəriyyəti abort hüquqlarının məhdudlaşdırılmasına qarşıdır, lakin nümayişçilər arasında məhkəmənin qərarını dəstəkləməyə gələnlər də var.