Bakı. Trend:
Türkiyə Silahlı Qüvvələri İraqın şimalında davam etdirdiyi "Pəncə-Kilid" antiterror əməliyyatı çərçivəsində 4 PKK terrorçusunu zərərsizləşdirib.
Trend-in məlumatına görə, bu barədə Türkiyənin Milli Müdafiə Nazirliyi bildirib.
Qeyd olunub ki, səhər saatlarında bölgədə türk hərbçisinin həlak olmasından sonra yeni əməliyyat keçirilib və hücum hazırlığında olan terrorçular məhv edilib.
Bölgədə antiterror əməliyyatlarının davam etdirildiyi bildirilib.