Bakı. Trend:
Yaponiyanın cənubunda avtomobil bir qrup uşaq bağçası şagirdinin üzərinə çırpılıb.
Trend-in məlumatına görə, hadisə Ginovan şəhərində (Okinava prefekturasının cənubunda) baş verib.
Hadisə nəticəsində azı 7 uşaq xəstəxanaya yerləşdirilib.
Hadisə yerində polis avtomobilin sürücüsünü saxlayıb - onun təxminən 20 yaşlı qadın olduğu üzə çıxıb.
Hazırda hüquq-mühafizə orqanları hadisənin başvermə səbəblərini araşdırır.