Bakı. Trend:
Ekvadorda bu gün səhər saatlarında baş verən 6,7 bal gücündə zəlzələ nəticəsində azı 3 nəfər ölüb.
Trend-in məlumatına görə, bu barədə "Semana" qəzeti xilasedicilərə istinadən bildirib.
Qeyd olunub ki, hazırda Naranhal şəhərində dağıntılar təmizlənir. "El Universo" qəzeti bildirib ki, bir neçə nəfər yaralanıb. Zəlzələ zamanı onlar divarların uçduğu avtomobildə olublar.
Ölkənin qərbində yerləşən bir neçə şəhərdə elektrik enerjisinin verilməsi qismən dayandırılıb.