Bakı. TurkicWorld:
Türkiyənin yerli və milli imkanlarla inkişaf etdirilən Yeni Altay tankında yerli mühərrikin istifadəsi üçün hazırlıqlar davam edir.
Trend TurkicWorld-a istinadən xəbər verir ki, bu barədə Türkiyənin Prezident Administrasiyasının Müdafiə Sənayesi İdarəsinin rəhbəri İsmail Demir bildirib.
O qeyd edib ki, sadəcə mühərrikin xaricdən alındığı tankın bütün hissələri və proqram təminatı yerli proqramçı və mühəndislər tərəfindən hazırlanıb.
Məlumat üçün qeyd edək ki, türk mühəndisləri tərəfindən hazırlanan Yeni ALTAY-ın digər mühüm xüsusiyyəti, inkişaf edən texnologiyaya uyğunlaşa bilən çevik bir arxitekturaya sahib olmasıdır.
Bu xüsusiyyət sayəsində Türkiyə Silahlı Qüvvələrinin gələcəkdə ehtiyac duya biləcəyi fərqli konsepsiyalara uyğun modernləşdirilməsi hədəflənib.