Bakı. Trend:
Türkiyə Əsrində əsas məqsədlərimizdən biri də yeni konstitusiya qəbul etməkdir.
Trend TurkicWorld-ə istinadən xəbər verir ki, bu sözləri Türkiyə Prezidenti Rəcəb Tayyib Ərdoğan deyib.
"Cümhuriyyətimizin 100 illiyini çevriliş konstitusiyası ilə qarşılaya bilmərik. 28-ci qanunvericilik dövründə əsas prioritetimiz Türkiyəni çevriliş konstitusiyasından xilas etməkdir”, - deyə o bildirib.
Prezident Ərdoğan onu da qeyd edib ki, Türkiyədə məhkəmə sistemi 2016-cı ildə çevriliş cəhdində iştirak edən FETÖ-çuların lazımi cəzanı alması üçün üzərinə düşəni edir.
Qeyd edək ki, Türkiyədə 1982-ci ildən qüvvədə olan konstitusiyaya 1987-ci, 2007-ci, 2010-cu, 2017-ci illərdə dəyişiklik edilib.