...

Ermənistan hərbi təlimləri KTMT üzvləri ilə keçirsin - Rəsmi Moskva

Dünya xəbərləri Materials 7 Sentyabr 2023 13:57 (UTC +04:00)
Ermənistan hərbi təlimləri KTMT üzvləri ilə keçirsin - Rəsmi Moskva

Bakı. Trend:

Rəsmi Moskva Ermənistanı hərbi təlimləri Kollektiv Təhlükəsizlik Müqaviləsi Təşkilatının (KTMT) üzvləri ilə keçirməyə çağırıb.

Trend xəbər verir ki, bu çağırışla Rusiya xarici işlər nazirinin müavini Sergey Ryabkov çıxış edib.

Ermənistan-ABŞ birgə təlimlərinin keçirilməsini şərh edən S.Ryabkov bildirib ki, KTMT üzvü olan Ermənistan müttəfiqlik ruhuna sadiq qalaraq, yalnız bu təşkilatın üzvləri ilə təlimlər keçirməlidir.

Nazir müavini vurğulayıb ki, Rusiya tərəfi Ermənistan-ABŞ təlimləri ilə bağlı narahatlığını rəsmi İrəvana çatdırıb.

Qeyd edək ki, bundan əvvəl Ermənistanın Müdafiə Nazirliyi ABŞ-Ermənistan birgə təlimlərinin keçiriləcəyi barədə bəyanat yayıb. Məlumata görə, təlimlər 11-20 sentyabr tarixlərində Ermənistan ərazisində keçiriləcək.

Məqalədə:
Xəbər lenti

Xəbər lenti