Bakı. Trend:
Hindistan almaz sektoru COVID-19 pandemiyasından bəri ən sərt tədbir olan xam almaz idxalının iki aylıq dondurulmasını tövsiyə edib.
Trend-in məlumatına görə, bu barədə "Rapaport" agentliyi mənbələrə istinadən bildirib.
Məlumata əsasən, satınalmada fasilə oktyabrın 15-dən dekabrın 15-dək davam edəcək.
Ölkənin aparıcı ticarət qurumları bu qərara almaz ticarətindəki ciddi geriləmə, ABŞ-da pərakəndə zərgərlik məmulatlarının ləng satışı, laboratoriyada yetişdirilən daşlarla rəqabətin artması və Çində iqtisadi tənəzzül fonunda gəliblər.