Bakı. Trend:
Fələstinin "HƏMAS" hərəkatı Amerika tərəfinin Qəzza zolağında təklif etdiyi atəşkəs planına razılıq verib.
Trend-in məlumatına görə, bu barədə "Al Arabiya" televiziya kanalı hərəkatın rəhbərliyindəki mənbəyə istinadən bildirib.
Məlumata əsasən, ABŞ-ın irəli sürdüyü təşəbbüs anklavda hərbi əməliyyatların dayandırılmasını və köçkünlərin tədricən öz evlərinə qayıtmasını nəzərdə tutur. HƏMAS-ın nümayəndə heyəti sazişin təfərrüatlarını və onun həyata keçirilmə vaxtını müzakirə etmək üçün yaxın bir neçə gün ərzində Qahirəyə gələcək.
"HƏMAS" hələlik bu məlumatı rəsmi şəkildə şərh etməyib.