Bakı. Trend:
Türkiyənin xarici işlər naziri Hakan Fidan İstanbulda misirli həmkarı Samih Şukri ilə görüşüb.
Trend Türkiyə KİV-ə istinadən xəbər verir ki, görüşdə Türkiyə-Misir münasibətləri ilə yanaşı, Qəzza zolağındakı vəziyyət də müzakirə olunub.
Hakan Fidan Qəzza zolağına humanitar yardımların çatdırılmasında Misirin rolunu qeyd edərək, ölkəyə minnətdarlığını bildirib.
Bundan başqa, Hakan Fidan bildirib ki, Qəzza zolağındakı münaqişə həll olunmayacağı təqdirdə bölgədə böhranların artmasına səbəb olacaq.