Bakı. Trend:
Ermənistanın baş naziri Nikol Paşinyanın “Mülki müqavilə” fraksiyası parlamentin iclasında iştirak etməyib. Buna görə də iclas baş tutmayıb.
Trend-in məlumatına görə, müxalifət hökumətin istefasına çağırış edən müraciət qəbul etməyi planlaşdırırdı.
"34 deputat qeydiyyatdan keçib, kvorum yoxdur", - deyə parlamentin spikeri Alen Simonyan bildirib. O əlavə edib ki, 4 saat ərzində lazımi sayda səs toplanarsa, iclas davam etdiriləcək. 107 deputatdan ibarət parlamentdə Paşinyanın fraksiyasının 71 mandatı var.