Bakı. Trend:
Gürcüstan Mərkəzi Seçki Komissiyasının əməkdaşlarının telefonlarına təhdid mesajları gəlməyə başlayıb.
Trend Gürcüstan KİV-lərinə istinadən xəbər verir ki, təhdid alan MSK əməkdaşlarına mesajlar eyni mobil nömrədən gəlib.
“Bütün mesajlarda ünvan sahibinin adı var ki, bu da mesajın müəllifinin həmkarlarımız və onların şəxsiyyətləri haqqında şəxsi məlumatları bildiyini təsdiqləyir. Biz onların maraqlarını mütləq qoruyacağıq”, - deyə MSK sədri Giorgi Kalandarişvili bildirib.
Bundan əlavə, Gürcüstanın Daxili İşlər Nazirliyi vətəndaşları saxta bildirişlərə inanmamağa çağırıb.
Qeyd edək ki, Gürcüstanda parlament seçkiləri oktyabrın 26-da keçiriləcək.