Bakı. Trend:
Türkiyənin Antalya şəhərində beş ulduzlu hoteldə yanğın olub.
Trend bu barədə Türkiyə KİV-ə istinadən xəbər verir.
Məlumata əsasən, binanın pəncərələrindən qalın qara tüstü çıxıb. Yanğınsöndürənlər binaya yaxınlaşmaq üçün hasarı sındırmağa məcbur olublar. Qonaqlar təcili təxliyə olunub. Bəzi qonaqlar eyvandan xilas edilib.
Qeyd edilib ki, xəsarət alanlar yoxdur. Turistlərə digər hotellərdə yerləşmə təklif olunub. Hadisə yerində bütün təcili xidmətlər orqanlarının əməkdaşları çalışır, yanğının səbəbləri araşdırılır.