Bakı. Trend:
Ruandada Marburq virusuna yoluxanların təxminən 80%-i yoluxmuş şəxslərlə təmasda olan tibb işçiləridir.
Trend xəbər verir ki, bu barədə Ümumdünya Səhiyyə Təşkilatının hesabatında bildirilir.
Bundan əvvəl məlumat verilmişdi ki, Ruanda ÜST-nin dəstəyi ilə Marburq virusunun səbəb olduğu xəstəliyin müalicəsi üçün dünyada ilk dəfə dərmanın klinik sınaqlarına başlayıb.
Sentyabrın 27-dən etibarən ölkədə 62 yoluxma halı qeydə alınıb, onlardan 15-i ölümlə nəticələnib, 43 nəfər isə sağalıb. Bundan əlavə, yoluxanların 80%-dən çoxu Kiqali şəhərindəki iki xəstəxananın həkimləridir.
ÜST Marburq virusunun Ruandada yayılma riskini çox yüksək qiymətləndirir, lakin qlobal miqyasda risk aşağı olaraq qalır.