Bakı. Trend:
ABŞ-nin Kaliforniya ştatında genişmiqyaslı meşə yanğını baş verib.
Trend “Sky News”ə istinadən xəbər verir ki, meşə yanğını bir çox evi məhv edib və minlərlə insanın təxliyəsinə səbəb olub.
Məlumata əsasən, Kaliforniya ştatında yanğının sahəsi cəmi 5 saat ərzində təxminən 1 kvadrat kilometrdən 5665 hektara qədər artıb.
“Bu yanğın sürətlə irəliləyir. Kolluqlar, otlar, çəpərlər, kənd təsərrüfatı sahələri və binalar yanır”, - bölgə üzrə yanğın xidmətinin rəhbəri Dastin Qardner bildirib.
Yanğının sürətlə yayılması nəticəsində 10 mindən çox insan təxliyə edilib, yanğın Kamrilo ətrafındakı ərazilərdə 3500 dən çox tikiliyə təhlükə yaradıb.
Qeyd edilib ki, Kaliforniyada küləyin sürəti 160 km/saata çata bilər ki, bu da bəzi bölgələrdə “ekstremal və həyati təhlükə yaradan” yanğının yaranmasına səbəb ola bilər.