Bakı. Trend:
Moskvanın Karelski bulvarında mənzilin daxili arakəsmələrinin uçması ilə nəticələnən yanğın baş verib.
Trend-in məlumatına görə, bu barədə Rusiya Fövqəladə Hallar Nazirliyinin paytaxt üzrə Baş İdarəsinin mətbuat xidmətindən bildirilib.
"Karelski bulvarı, bina 23-də 5 mərtəbəli yaşayış binasının sonuncu mərtəbəsindəki mənzildə baş vermiş yanğın nəticəsində dördü uşaq olmaqla 7 nəfərin xəsarət aldığı müəyyən edilib. Hazırda 20 kvadratmetr sahədə yanğın söndürülüb", - deyə qeyd olunub.
Hadisə nəticəsində mənzildə otaqlar arasındakı arakəsmələr uçub.