Bakı. Trend:
Suriya keçid hökumətinin müvəqqəti Baş naziri vəzifəsinə Məhəmməd əl-Bəşir təyin edildi.
Trend xarici KİV-ə istinadən xəbər verir ki, o, televiziyada yayımlanan çıxışında, 1 mart 2025-ci il tarixinədək Suriyada keçid hökumətinin Baş naziri vəzifəsini icra etmək üçün təyin edildiyini bildirib.
Qeyd edək ki, Məhəmməd əl-Bəşir 1983-cü ildə Suriyanın İdlib vilayətinin Cəbəl əz-Zaviye bölgəsində anadan olub. O, Halep Universiteti və İdlib Universitetində təhsil alıb. Əl-Bəşir, 13 yanvar 2024-cü ildən etibarən Suriya Qurtuluş Hökumətinin baş naziri vəzifəsini icra edir.