Bakı. Trend:
ABŞ-ın qərbində, Kaliforniya ştatının Los-Anceles dairəsində iki saatdan az müddətdə 20 kvadrat kilometrdən çox ərazini yandıran yeni güclü meşə yanğını baş verib.
Trend-in CNN televiziya şirkətinə istinadən verdiyi məlumata görə, yanğın genişlənmə təhlükəsi ilə əlaqədar hakimiyyət orqanları Kasteik gölünün ətrafındakı ərazilərin sakinlərinin məcburi təxliyyə edilməsini elan edib.
Milli Meteoroloji Xidmətin məlumatına görə, güclü külək alovun yayılmasına kömək edir. Yanğın əhalinin sıx məskunlaşdığı əraziləri təhdid edir.
Kaliforniyada meşə yanğınları tüğyan edir. Yanvarın 7-də Los-Anceles dairəsində yayılmağa başladılar.