Bakı. Trend:
İran-İsrail arasında münaqişənin gərginləşməsi səbəbindən Tehranı tərk etmək məcburiyyətində qalan 12 rusiyalı alim Bakıdan təyyarə ilə Moskvaya yola salınıb.
Trend-in məlumatına görə, bu barədə A.M.Qorçakov adına İctimai Diplomatiyaya Dəstək Fondunun mətbuat katibi Alena İsakova açıqlama verib.
"İyunun 12-dən 14-dək Tehranda keçirilən 'BRİKS Təhsil Ekspedisiyası'nda iştirak edən Fondun nümayəndə heyətinin 12 üzvü bu gün Bakıdan Moskvaya gəlib. Onların geri qaytarılması Fondun koordinasiyası ilə həyata keçirilib", – İsakova bildirib.