Bakı. Trend:
Suriya 1974-cü ildə İsrail və Suriya qüvvələrinin Colan Təpələrində döyüşdən çıxarılmasına dair razılaşmaya sadiqdir və Israil ilə fikir ayrılıqlarını aradan qaldırmaq üçün diplomatik vasitələrdən istifadə edir.
Trend-in məlumatına görə, bu barədə Ərəb Respublikasının keçid dövrü üzrə prezidenti Əhməd əş-Şaraa Nyu-Yorkda BMT Baş Assambleyasının 80-ci sessiyasının tribunasından çıxışı zamanı bildirib.
"Ötən il dekabrın 8-dən, əvvəlki rejimin hakimiyyətdən uzaqlaşdırıldığı vaxtdan bəri İsrailin Suriyaya qarşı təhdidləri səngimir. İsrail Dəməşqdəki keçid dövründən istifadə edərək bölgəni yeni münaqişələr riskinə məruz qoydu, lakin biz müharibə istəmirik və mövcud böhrandan çıxmaq üçün dialoq və diplomatiyadan istifadə edəcəyik", - deyə o qeyd edib.
Əl-Şaraa diqqəti qonşu ölkənin siyasətinin beynəlxalq ictimaiyyətin Dəməşqin yeni administrasiyası ilə bağlı tutduğu mövqeyə zidd olduğuna diqqət çəkib.