İran prezidenti Mahmud Əhmədinejad Qərbin İranın nüvə proqramı ilə bağlı narahatlığını "böyük yalan" alandırıb.
"Böyük dövlətlər narahatlıqlarını ifadə edirlər, lakin bu, böyük yalandır ", - deyə o, İndoneziyanın prezidenti Susilo Bambanq Yudxoyono ilə görüşdən sonra keçirdiy mətbuat konfransında bildirib.
"Onları nüvə proqramı narahat etmir. Onlar özləri nüvə fəaliyyəti ilə məşğul olurlar və onu gündən-günə genişləndirirlər. Onlar hər gün kütləvi qırğın silahının yeni növlərini sınaqdan keçirirlər ", - deyə İran prezidenti bildirib.
Trend in verdiyi məlumata görə, Əhmədinejad bir daha bildirib ki, onun ölkəsinin nüvə proqramı "tam dinc" xarakter daşıyır. Bu barədə RİA Novosti bildirib.