Qəhrəmanmaraş şəhərində "Tufançılar" dini sektasının 46 yaşlı lideri Emin Özdəmirin intiharından sonra onun ən yaxın müridi Bayram Etim özünü asıb. Bu barədə Trend in Ankaradakı xüsusi müxbiri xəbər verir.
Araşdırmalar nəticəsində məlum olub ki, B. Etimin intiharı onun sektanın liderinə möhkəm bağlılığının nəticəsidir. Bundan əvvəl Emin Özdəmirə və "tufançılar" sektasının daha 18 üzvünə həbs cəzası kəsilmişdi. "Tufançılar" sektasının üzvləri inanırlar ki, 2007-ci il mayın 5-də kainatdakı planetlər öz orbitindən çıxacaq və dünyada böyük bədbəxtlik - tufan baş verəcək.