Azərbaycan, Bakı, 2 aprel /Trend/
Türkiyənin məşhur müğənnisi İbrahim Tatlısəs müalicəsini Almaniyada davam etdirəcək.
Trend-in Türkiyənin "Milliyyət" qəzetinə istinadən verdiyi məlumat görə, müğənninin oğlu Ahmet Tatlı atasını Almaniyaya aparacağını deyib.
O bildirib ki, Tatlısəsin Almaniyadakı müalicəsi dörd həftə davam edə bilər.
Tatlı yaxın 7-10 gün ərzində Almaniyaya yola düşəcəklərini deyib.
Sağlıq durumu günbəgün yaxşılaşan Tatlısəs hazırda bədəninin sol tərəfinin iflicindən müalicə olunur.
Tatlısəs martın 14-də silahlı basqına məruz qalıb. Müğənninin həyatına sui-qəsd zamanı o, başından ağır güllə yarası alıb, assistenti isə çiynindən vurulub.
Tatlısəsə sui-qəsddə şübhəli bilinən 20 nəfər İstanbul polisi tərəfindən saxlanılıb.
Sui-qəsdin Abdullah Uçmaqın rəhbərliyi ilə törədildiyi müəyyən edilib.
Abdullah Uçmaq və onun 4 adamı daha əvvəl də İbrahim Tatlısəsə sui-qəsd hazırladıqları üçün mühakimə olunmuşdu.